Bókmennta- og listfræðastofnun Háskóla Íslands

1.jpg

Um stofnunina



Bókmennta- og listfræðastofnun er vettvangur rannsókna og útgáfu á sviði íslenskra bókmennta, almennrar bókmenntafræði, kvikmyndafræði, listfræði og menningarfræði.

Unnið er að margvíslegum verkefnum á vegum stofnunarinnar og má þar nefna þýðingar, ritstjórn og útgáfu bókmennta og fræðirita. Stofnunin stendur einnig fyrir málþingum um bókmenntir og bókmenntafræði.

Sjá nánar um hlutverk stofnunarinnar í starfsreglum hér á heimasíðunni.

Að Bókmennta- og listfræðastofnun standa allir fastráðnir starfsmenn í bókmenntafræði- og málvísindaskor og íslenskuskor sem sinna kennslu og rannsóknum á sviði bókmennta og annarra listgreina við Háskóla Íslands.

Bókmenntafræðistofnun gefur út sjö ritraðir sem eru tilgreindar undir útgáfur á vefnum.

Hver ritröð lýtur sjálfstæðri ritstjórn en ritstjórar eru skipaðir af stjórn Bókmenntafræðistofnunar. Auk ritraðanna gefur stofnunin út valdar bækur um bókmenntafræði og bókmenntasögu (sjá Önnur rit). Meðal stórra verkefna sem nú er unnið að á vegum stofnunarinnar er Alfræði íslenskra bókmennta í ritstjórn Ástráðs Eysteinssonar og Garðars Baldvinssonar.

Bókmennta- og listfræðastofnun hefur aðsetur innan veggja Hugvísindastofnunar (sbr. 4. gr. reglna um Hugvísindastofnun Háskóla Íslands) í Aðalbyggingu HÍ við Sæmundargötu, 101 Reykjavík.

Stjórnarformaður Bókmennta- og listfræðastofnunar:
Benedikt Hjartarson
Aðalbyggingu Háskóla Íslands
101 Reykjavík
sími 525 5418
netfang benedihj@hi.is.  

Umsjón með dreifingu útgáfurita stofnunarinnar hefur Háskólaútgáfan við Hagatorg - 101 Reykjavík - sími 525 4003 - fax 525 5255 - hu@hi.is - vefur.