Rannsóknarstofa um þroska, mál og læsi

Fyrirlestur dr. Barböru Turner

laugardaginn 24. september kl. 11.00- 13.00 í stofu H-101 í húsnæði Menntavísindasviðs Háskóla Íslands við Stakkahlíð

 Sandleikur er aðferð sem gerir börnum og fullorðnum kleift að tákngera innri heim og vinna á skapandi hátt með dulvitað efni. Dr. Barbara Turner  mun í fyrirlestri sínum ræða um hugmyndafræði, uppruna og þróun sandleiks og fjalla um þá aðferðafræði sem þar er beitt. Hún mun einnig greina frá hreyfiafli leiksins og sambandi skjólstæðings og meðferðaraðila. Í fyrirlestrinum mun dr. Turner sýna sandleiksmyndir eigin skjólstæðinga þar sem m.a. vinnuferli eins skjólstæðings í sandleik verður rakið frá upphafi til enda. Fyrirlesturinn er á vegum Rannsóknastofu um þroska, mál og læsi barna og unglinga á Menntavísindasviði Háskóla Íslands.

 Dr. Barbara Turner hóf nám í sandleik í Sviss árið 1988 undir handleiðslu Doru M. Kalff sem þróaði aðferðina. Dr. Turner hefur m.a. í doktorsritgerð sinni rannsakað ítarlega það ferli sem fram fer í sandleik út frá hugmyndafræði Jungs. Hún hefur ritað ótal greinar og bókakafla í fagtímarit og bækur og er höfundur undirstöðurits í sandleiksfræðum, The Handbook of Sandplay Therapy. Dr. Turner stundaði sálræna meðferð á fullorðnum og börnum út frá aðferðum greiningarsálfræðinga í rúm tuttugu ár. Hún kennir nú sandleiksfræði og veitir sandleiksfræðingum handleiðslu bæði á netinu gegnum Temenos Press Learning Center í Kaliforníu, en einnig á námskeiðum víða um heim. Dr. Turner er kennari við Academy of Play and Child Psychotherapy þar sem hún kennir sandleiksfræði.

Sjá nánar: http://www.barbaraturner.org/index.html

Við Menntavísindasvið HÍ er  í boði  meistaranám  fyrir þá sem vilja sérhæfa sig í málþroska og læsi

Kennaradeild

Mál og læsi M.Ed. og MA, 120 einingar

Uppeldis- og menntunarfræðideild

Þroski, mál og læsi, MA, 120 einingar

Nánari upplýsingar er að finna undir

Námsleiðir og námsframboð