Rannsóknasetur Háskóla Íslands á Suðurnesjum var formlega stofnað á árinu 2004. Rannsóknasetrið er vettvangur fyrir samstarf Háskóla Íslands við sveitarfélög á Suðurnesjum, stofnanir, fyrirtæki, félagasamtök og einstaklinga.

Forstöðumaður er dr. Halldór Pálmar Halldórsson, netfang hans er halldor@hi.is.

Meginhlutverk Rannsóknasetursins er að efla rannsókna- og fræðastarf Háskóla Íslands á Suðurnesjum með því:

• að stuðla að margvíslegri háskólakennslu á Suðurnesjum, eftir því sem kostur er, í tengslum við grunn- og framhaldsnám, og stuðla að því að haldin verði norræn og/eða alþjóðleg námskeið í Rannsóknasetrinu,
• að efla tengsl skora, deilda og stofnana Háskóla Íslands og tengsl annarra íslenskra rannsóknastofnana við atvinnu- og þjóðlíf á Suðurnesjum,
• að efla, í samvinnu við rannsóknastofnanir og háskóla, rannsóknir á náttúru Suðurnesja og á náttúru Íslands, og
• að stuðla að auknum rannsóknum á hverju því viðfangsefni, sem vert er að sinna á Rannsóknasetrinu.